Conchita del Carralo dona piezas al Conceyu Cangas - ayto-cangasdelnarcea
Conchita del Carralo dona piezas nuevas al Conceyu Cangas
Güei, a las 12 la mañena, féixose oficial la donación de Conchita del Carralo, cola presencia de las conceyalas Carmen Riesco ya Laura Álvarez.
La donación compónse de varias piezas de marquetería, ente las que destacan las que componen la serie "casa de muñecas", una colección de muebles en miniatura acompañaos de todu tipu de particularidades.
A estas piezas acompáñanlas outras talladas cono mesmu métodu complexu, dende relós hasta un portal de Belén, pasando por outru tipu d'obxectos decorativos ya de serviciu de la casa.
La exposición tará expuesta permanentemente na entrada de la Casa la Cultura "Palaciu d'Oumaña" ya podrá visitase nel horariu d'apertura de la casa.
La conceyala de Cultura, Carmen Riesco, ya la primera teniente d'alcalde, Laura Álvarez, nun deixanon de chufar a la protagonista de la xornada, Conchita, de feitu, almiranon la súa técnica ya paciencia a la hora de crear piezas tan preciosistas.