Nos meses d'abril ya mayu, la Escuela de Música del Conceyu Cangas, no sou interés por afianzar el papel de la escuela dientro de la comunidá na que s'asienta ya aveirar la música a tola ciudadanía, ofrez conciertos de las súas arias diferientes.

Esta iniciativa inauguróuse'l día 2 d'abril col conciertu de la Sección Tradicional ya siguirá aveirando'l bon facer de la escuela a la xente nos conciertos del 8 d'abril, que será'l turnu de Flauta ya Vigulín, ya'l 11 del mesmu mes, onde'l conciertu correrá a cargu de l'asignatura de Cantu. No mes de mayu, las actuaciones corresponderán a Pianu, el día 16; Saxu ya Clarinete, el día 29; ya, p'acabar un mes completu d'actividá musical, el día 31 las asignaturas de Cantu ya Pianu ofrecerán un conciertu benéficu contra la leucemia, axuntando música ya compromisu social.

 La conceyala de Cultura, Carmen Riesco, anima a la ciudadanía a participar d'esti feedback musical ya disfrutar de los conciertos diferientes, con propuestas pa tolos gustos.