La Escuela de Música del Conceyu Cangas despide'l cursu conos sous conciertos de fin de cursu, unu por sección: clásica, tradicional ya rock.

Durante tol cursu tuvienon celebrándose audiciones d'instrumentos ya especialidades diferientes, que culminan agora cona celebración d'estos trés conciertos, unu por sección: rock,  clásica ya tradicional. El primeiru celebraráse'l l.lunes 10, a las 20 horas; el segundu'l l.lunes 17, a las 19 horas ya l'últimu'l martes 18, a las 20:00 horas. Todos el.los van celebrase no Teatru Toreno ya representarán el culme d'un cursu que consiguíu integrar ya tresmitir la música cumo vehículu ya bien cultural na vida de Cangas.