BASES CONCURSU CARTELES FIESTAS DEL CARME YA LA MADALENA 2016
1.    OBXECTIVU:

L'obxectivu d'estas bases yía facese cono diseñu d'un cartel anunciador de las Fiestas del Carme ya la Madalena 2016.  

2.    PRESENTACIÓN:

Los carteles van presentase no Rexistru Xeneral del Conceyu Cangas cona referencia ''Concursu de carteles del Carme ya la Madalena 2016'' ya debaxo'l lema ou títulu de la obra. Los trabayos van presentase de manera anónima, incluyendo los datos personales del autor (nome ya apellíos, dirección ya teléfonu de contactu) dientro del sobre principal nun sobre zarráu. Los trabayos han ser orixinales ya nunca antias han tener sío carteles anunciadores de niún eventu. Se'l nome del autor tuviera visible en dalgún sitiu del trabayu, ya non incluíu dientro nun sobre zarráu, vei ser automáticamente descalificáu.

3.    PLAZU DE PRESENTACIÓN

El plazu pa la presentación de los trabayos acaba'l día 19 de mayu de 2016 a las 14:00 horas.

4.    FORMA DE PRESENTACIÓN

Las obras pueden ser feitas en cualisquier procedimientu ou técnica. Vei ser en cualisquier casu necesaria la capacidá pa la súa reproducción correcta (DIXITAL)  en cartelería. Los trabayos van ser presentaos impresos  en cuatricomía (tamañu DIN A3, DIN A2 ou proporcionales) ya  pueden ir acompañaos de soporte dixital.
Tódolos carteles van incluyir las l.liendas:
    "El Carme ya la Madalena"
    "Cangas del Narcea"
    "Del 14 al 22 de santamarina del 2016"
La frase "ya la Madalena" vei usar la mesma tipoloxía que ''El Carme'', pero ocupar un terciu de l'altura d'esti.
IMPORTANTE:  en casu del usu de fotografías pa faer el cartel, debe cuntase cono permisu del autor/a. 

5.    XURÁU YA PREMIU

El xuráu vei tar formáu polos miembros de la Comisión de Fiestas de Cangas del Narcea. La decisión del xuráu  vei ser inapelable ya da-y la posibilidá de declarar el concursu desiertu.  Concederáse un premiu únicu, con una dotación económica de 300 euros (TRESCIENTOS EUROS). La obra escoyida será cartel anunciador de las fiestas ya portada del l.libru del programa.
La obra premiada vei pasar a ser propiedá de COFECA, qu'alquirirá sobre el.la drechu plenu d'usu, reproducción ya difusión. Los carteles non premiaos van ser retiraos solicitándolo anantes no Conceyu Cangas.