CONCURSU ''EL SALUDA DE LOS MÁS PEQUENOS''
1.    OBXECTIVU:

Los más pequenos diránnos cúmo saludarían ya felicitarían las fiestas del Carme ya la Madalena a la ciudadanía se fosen alcaldes ou alcaldesas del sou pueblu.

2.    PERSONAS DESTINATARIAS

Nenos/as ente 7 ya 12 años.

3.    PRESENTACIÓN

Los saludas van presentase no Rexistru Xeneral del Conceyu Cangas cona referencia ''Concursu: El saluda de los más pequenos''. Los trabayos han presentase de manera anónima, incluyendo los datos personales del autor (nome ya apellíos, dirección, edá, DNI ya teléfonu de contactu) dientro d'un sobre zarráu nel que figure escritu'l pseudónimu (nunca'l nome propiu) del autor/a.

4.    PLAZU DE PRESENTACIÓN

El plazu pa la presentación de los trabayos acaba'l 19 de mayu de 2016 a las 14:00 horas. 

5.    FORMA DE PRESENTACIÓN

Los escritos van poder presentase escritos a mano, con l.letra bien clara, ou a ordenador.
La extensión máxima será d'un foliu por una cara en tamañu DIN A4.

6.   XURÁU YA PREMIU

El xuráu vei tar formáu polos miembros de la Comisión de Fiestas de Cangas del Narcea. La decisión del xuráu vei ser inapelable ya da-y la posibilidá de declarar el concursu desiertu.
Vei concedese un premiu únicu de 100 euros (CIEN EUROS) a gastar en material escolar ya d'ociu.