1. OBXECTIVU

Los más pequenos van dicinos cúmo saludarían ya felicitarían las Fiestas del Carme ya la Madalena a la súa ciudadanía si fosen alcaldes ou alcaldesas del sou pueblu. 

2. DESTINATARIOS

Nenos/as ente 6 ya 12 años

3. PRESENTACIÓN

Los saludas presentaránse nas Oficinas del Conceyu Cangas, asitiadas n'El Paséu, (C/Uría), 13, baxu, 33800, Cangas del Narcea, cona referencia "Concursu: El saluda de los más pequenos".
Los trabayos van ser presentaos de forma anónima, figurando no escritu un pseudónimu (nunca'l nome propiu del autor/a).
Amás del escritu, presentaráse un sobre cerráu nel que van incluise los datos personales del autor/a (nome ya apellíos, dirección, edá, DNI ya teléfonu de contactu) ya no sou exterior aparecerá'l mesmu pseudónimu que no escritu. 

4. PLAZU DE PRESENTACIÓN

El plazu pa la presentación de los trabayos acaba'l día 6 de mayu de 2019, a las 14:00 horas. 

5. FORMA DE PRESENTACIÓN

Los escritos van poder presentase manuscritos siempre que la l.letra facilite la comprensión. Tamién poderán mandase a ordenador.
La extensión máxima: un foliu DIN A4 por una cara.

6. XURÁU YA PREMIU

El xuráu tará formáu polos miembros de la Comisión de Fiestas de Cangas del Narcea.  
La decisión del mesmu vei ser inapelable. El concursu vei poder ser declaráu desiertu.  
Vei concedese un premiu únicu de 100 euros (CIEN EUROS) a gastar en material escolar ou d'ociu. El/la ganador/a vei acompañar al pregoneiru/a no balcón de la Casa Conceyu'l día 14 de santamarina de 2019. Los saludas participantes serán propiedá de COFECA, qu'alquirirá sobre los mesmos drechu plenu d'usu, reproducción ya difusión, nun siendo qu'esta decida, en casu de petición presentada antias del 31 de mayu de 2019, volvelos a los sou dueños.
 

• Accesu dende esti enl.laz al documentu de COFECA.