A raíz de la granizada sufrida'l 26 d'agostu, esti Conceyu miróu vías d'indemnización polos daños causaos a bienes públicos ya privaos.

El día 6 houbo una regunión cona Dirección Xeneral de Desenvolvimientu Rural ya cona Delegación del Gobiernu, de cara a coordinar actuaciones que pudieran desembocar n'ayudas pa las personas que sufrienon dalgún tipu de daños.

Yía por el.lo polo que l'Ilmu. Conceyu de Cangas del Narcea abre un plazu pa comunicar qué daños fonon causaos pola granizada. Trátase, primeiro de todo, de faer un informe de los bienes afectaos, tanto de particulares cumo de profesionales. Esti informe remitiráse a la Delegación del Gobiernu d'Asturias, que fairá la valoración de daños.

Nesti primer recuentu de los bienes afectaos nun yá necesario apurrir niuna documentación, namás hai que presentar un documentu de solicitú que'l Conceyu de Cangas del Narcea puxo a disposición de todu'l vecindariu no Rexistru ya al traviés de la súa páxina web.

El plazu pa presentar solicitudes acaba'l vienres 22 de setiembre.

Documentos

MODELO DECLARACIÓN DE DAÑOS