El 20 de febreiru presentóuse en Cangas un proxectu conxuntu del Institutu de la Muyer ya la Escuela d'Organización Industrial, Desafíu Muyer Rural, una plataforma pa muyeres empresarias ya emprendedoras qu'inclúi un espaciu onde promocionar ya vender los sous productos.
 Tódalas muyeres interesadas pueden recibir información ya/ou formar parte d'esti proxectu contactando cona Escuela d'Organización Industrial al traviés de la páxina web http://www.eo/es/desafiomujerrural  ou  l'Axencia d'Igualdá d'Oportunidades del Conceyu Cangas, bien presencialmente, bien por teléfonu no 985813812.El requisitu únicu yá ser muyer empresaria, lo que nun exclúi a empresas ya cooperativas de menos de 50 trabayadores/as onde la mayoría de socias seyan muyeres. Si sos muyer ya emprendedora con un proxectu en marcha tamién pueden aidate a iniciar los trámites ya asesorate dende'l principiu.
La tienda online yá un serviciu de baldre pa las empresarias que s'acoigan al proxectu.
Amás, las muyeres que quieran xestionar la súa tienda online van recibir apoyu informáticu ya formación continua por tiempu indefiníu.
Tódolos proxectos ou servicios tienen cabida na plataforma. Hai empresas de venta de todu tipu: productos agroalimentarios/ ganadeiros,  roupa,  complementos, decoración, eventos,  servicios...