Coincidiendo cona conmemoración el día 25 de los santos del Día Mundial contra la Violencia hacia las Muyeres, el Centru Asesor de la Muyer de Cangas organiza una serie d'actividades, vinculadas cona prevención, la formación ya la sensibilización.

Protagoniza parte de los actos  l'alumnáu de 4u d'ESO del IES Cangas del Narcea, que, frutu de una formación mantenida na materia, presentará una campaña contra los malos tratos que se presentará'l martes 27 de los santos no centru educativu.

Esta campaña de prevención ente'l públicu más nuevu compleméntase con outras destinadas a públicu adultu, una primera destinada a profesionales de Servicios Sociales relacionada cona detección ya derivación de víctimas de violencia, feita'l 21 de los santos, ya una segunda'l 27 de los santos qu'aborda, más concretamente, la violencia sexual, mediante la presentación d'un protocolu feitu polas psicólogas Yolanda Fontanil ya Ángeles Salcedo.

P'acabar ya dientro de la campaña de sensibilización social tan importante, enmárcase la proxección de la película El cuento de Duna, de J.K. Álvarez. Esta película proxectaráse no Teatru Toreno, a las 20:00 horas, el día 23 de los santos. La entrada yá l.libre ya la participación nesti videu fórum ta abierta a tola ciudadanía.