El CDTL (Centru de Dinamización Tecnolóxica del Conceyu) de Cangas del Narcea arranca esti 2018 con un taller de trámites online pal que se cubrienon tolas plazas ufiertadas. Esti taller conviértese no númaru 500 impartíu no centru.

Diecisiete años espuéis de la súa apertura, el Telecentru, agora CDTL, cunta con más de 5.400 usuarios/as ya ofrez una formación que s'adapta a tolas edades. A las temáticas del principiu: alfabetización dixital, corréu electrónicu ou ofimática, fonon axuntándose outras que respuenden a las necesidades nuevas del mundu dixital. Redes sociales, alministración electrónica ou usu del smartphone son las novedades últimas del catálogu formativu.

El CDTL forma no contextu de proxectos cumo BecaMOS, ACTÍVATE, Tiempu Propiu ou Rompiendo Distancias, en colaboración con outras entidades cumo l'Axencia d'Igualdá, FUCOMI, Servicios Sociales ya AMPAS del conceyu diferientes, ente outras