La charla, a cargu del axente de la Guardia Civil Francisco Domenech, vei faese'l 12 de xunu a las 11:00  no Auditoriu de la Casa la Cultura "Palaciu d'Oumaña".
    ¿A qué edá tengo que comprar un móbil a los mieu fíos/as? ¿Yía bono que tengan Facebook? ¿Qué pasa cuando se cuelga una foto? Son muitas las perguntas d'esti tipu a las que s'enfrentan los padres, las madres ya los educadores. L'usu cada vez más común d'Internet, las redes sociales, las aplicaciones de mensaxería, etc. implica riesgos pa los/las menores que tenemos que conocer.
    Dende'l CDTL (Centru de Dinamización Tecnolóxica del Conceyu) de Cangas del Narcea, nun intentu de fomentar el bon usu de las tecnoloxías nuevas por parte de los/las sous/súas usuarios/as más vulnerables, promuévese esta charla na que Francisco Domenech, axente de la Guardia Civil, intentará dar respuestas a tolas cuestiones anteriores.
    La inscripción, de baldre dafeitu, vei poder fadese no teléfonu 985812617 ou de forma presencial no CDTL (Casa la Cultura "Palaciu d'Oumaña").