El martes 22 de xineiru'l Conseyu de la Muyer del Conceyu Cangas aprobóu un manifiestu presentáu pola representante d'UGT Suroccidente n'apoyu a las agrupaciones feministas en relación a la derogación de mididas de protección integral contra la violencia de xéneru (Lei 1/2004) incluida no programa electoral de dalgún partíu políticu.

El Conseyu de la Muyer del Conceyu Cangas yá un órganu consultivu que pretende incentivar la participación  de la población  no referente a las políticas de xéneru que desenvuelve'l propiu Conceyu. La súa finalidá yá colaborar cono Aria de la Muyer del Conceyu  ya contribuir a l'adopción de mididas que posibiliten el sou desenvolvimientu ya promoción. Ta formáu por asociaciones de muyeres, representantes de las secretarías d'Igualdá  de los sindicatos, representantes de tolos grupos políticos, personal de la Conceyalía de la Muyer ya representantes d'outras entidades que quieran participar nesti conseyu. La presidencia correspuende a la conceyala de la Muyer ya la secretaría a l'axente d'Igualdá.

Yá de destacar el feitu de qu'esti manifiestu s'aprobara por unanimidá de tolas personas presentes: 7 representantes d'asociaciones de muyeres, una representante del GDR Altu Narcea-Muniel.los, una representante d'UGT, personal de la Conceyalía de la Muyer ya representantes de PSOE, PP ya conceyal non adscritu.

La conceyala de la Muyer, Carmen López, siéntese satisfecha de qu'esta iniciativa saliera alantre por unanimidá ya recalca la necesidá d'actuar en común énte l'amenaza que supón el cuestionamientu de los drechos fundamentales de las muyeres que motivan dalgunos discursos del odiu, empicipiando polos drechos más básicos, la protección énte la violencia.

Manifiestu UGT "Ni un paso atrás"  (PDF - 75Kb)