El miércoles 28 de setiembre, a las 6 de la tarde, el teatru Toreno abre la súa programación con una obra que foi primer premiu no certame nacional de cuentacuentos "Tierras de Torío" (L.lión) en 2013.

Sesión de cuentos sobre temas diferientes: ecoloxía, tradición oral, mitoloxía asturiana... Adaptable a cualisquier edá: 3-6, 5-10, 10-14 años. Con usu de títeres ya obxectos, destacan los cuentos sobre mitoloxía asturiana: Nuberu, Xana, Cuélebre, Busgosu, Trasgu...

El narrador chega al sitiu cona súa carga de cuentos al hombru, tamién conas súas historias ya los sous versos. El narrador mira al sou públicu, mimetízase na atmósfera qu'alcuentra, controla l'espaciu, fala ya interpreta. Interpreta un espectáculu de cuentos ou narración oral: escenifica ya tresmite'l conteníu de las súas historias, que pueden provenir de l.lugares de mui l.lonxe ou del mesmu l.lugar onde se representa. El narrador mete a los nenos ya las nenas nas súas historias, vívenlas con él, entienden los secretos de la tresmisión oral, la sabiduría de los buelos ya los secretos de la l.lingua.

Imágenes