La compañía teatral que dirixe Jorge Moreno, Ánimo de Lucro, escoyíu Cangas pa faer l'estrenu absolutu de la súa obra última, Sobremesa occidental.

Yía la primer vez qu'una compañía de teatru profesional escói Cangas pa faer l'estrenu d'una de las súas obras, normalmente decántanse polos núcleos urbanos más grandes ya céntricos, polo tanto, yá un gran honor que la obra vea la l.luz sobre las tablas del Teatru Toreno. Un honor tan grande que nun faltarán autoridades autonómicas ya locales pa participar d'una obra tan esperada.

La conceyala de Cultura anima a toda la ciudadanía a participar d'esta oportunidá única ya recalca l'espaldarazu definitivu qu'esta escoyeta supón pa la vida cultural ya escénica canguesa.