Esti  festival pretende inspirar a personas que viaxan pa vivir experiencias auténticas vinculadas cona naturaleza, los oficios tradicionales ya'l mundu rural. L'obxectivu yá poner en valor el patrimoniu natural ya cultural d'ámbitu rural de la comarca de Fontes del Narcea, convertida yá en destín de referencia a nivel d'ecoturismu n'Asturias, ou se trabaya por un turismu responsable ya sostenible.
 
"5 días, 11 sitios ou agospiase ya más de 20 experiencias" conforman un PROGRAMA chen d'actividades gastronómicas, artesanas, musicales ya de naturaleza. Una oportunidá única pa conecer un entornu natural d'excepción, formáu pol Parque Natural de Fontes del Narcea, Degaña ya Ibias ya la Reserva Natural Integral de Muniel.los, el carbayéu más grande ya meyor conserváu del sur d'Europa, con especies tan emblemáticas cumo l'osu pardu cantábricu. Amás d'estas experiencias, las personas participantes van conecer de manera directa ya cercana a las personas que con esfuerzu modelanon ya preservanon esti paisaxe especial, protagonistas que tamién ven amenazaos los sous oficios, las súas tradiciones ya hasta las súas formas d'expresión.  
 
Baxo nomes tan atractivos cumo "Cunqueiru por un día", "Vive ya come cumo un tixileiru", "Los secretos del miel" ou "Xinestosu: el queisu únicu de la trashumancia", ban ofrecese experiencias exclusivas deseñadas específicamente pa esti festival. Las personas amantes del vinu, del pan del pueblu ou de los productos de la güerta van poder conecer con detaller cúmo se planta la viña heroica con variedades d'uvas locales, cúmo amasar ya cocer pan nun fornu de l.leña tradicional ou cúmo poner la güerta. Talleres, rutas guiadas, música en directo, showcookings, ente outras muitas actividades, van facer las delicias de pequenos ya grandes. Amás, vei poder disfrutase de la recolección ya'l cocináu de setas, la fotografía de paisaxe ya noctura, vivir la experiencia nuna casería, intentar observar al osu pardu ou pastorear oveas xaldas ya l.levar la súa l.lana a un telar tradicional. Si quies conecer los últimos héroes ya heroínas del sieglu XXI tenéis una cita con Fontes del Narcea.

Más información : www.ecoturismoenpeligro.es