Espuéis de la celebración en Cangas del Narcea del III Congresu Nacional d'Ecoturismu, no mes de los santos pasáu, momentu no que se consolidóu la apuesta firme de Fontes del Narcea pol ecoturismu, la zona refuerza esti compromisu cono II Festival d'Ecoturismu "En peligru d'extinción", que vei desenvolvese ente'l 1 ya'l 5 de mayu en Cangas del Narcea, Degaña ya Ibias ya que vei presentar na Feria Internacional de Turismu FITUR.  

Organizáu pola Asociación de Turismu Rural Fontes del Narcea ya'l Conceyu de Cangas del Narcea'l festival propón a visitantes ya vecinos cinco días con una axenda repleta d'experiencias únicas vinculadas cona naturaleza, la observación de la fauna, los oficios tradicionales del mundu rural, los productores locales ya la gastronomía.

La propuesta d'actividades será presentada pola conceyala de Turismu, Begoña Cueto, ya la presidenta de l'Asociación de Turismu Rural Fontes del Narcea, Ana Llano,  no Pabellón d'Asturias, pabellón 9, stand institucional 9C 11, d'IFEMA, Feria de Madrí.

Más información en:

• www.fuentesdelnarcea.com 
• www.ecoturismoenpeligro.es
• bcuetob@ayto-cnarcea.es