Pueden descargase dende esti enl.laz las bases  (pdf. 185Kb)

1. INTRODUCCIÓN

En colaboración con APESA, dientro de la campaña de Navidá organizada por esta asociación ya cona intención de meyorar la estética de la vil.la no referente a iluminación, dende esti Conceyu de Cangas del Narcea, convócase'l I Concursu de decoración ya iluminación de Navidá.

2. OBXECTIVU

L'obxectivu d'esti concursu yía premiar tanto al vecindariu cumo al sector del comerciu que dedica  tiempu a decorar con xeitu las súas terrazas, balconadas ya fachadas, fadiendo que'l restu de vecinas ya vecinos pódamos disfrutar del sou espíritu navideñu ya festivu, amás de del sou talentu decorativu.

3. PARTICIPANTES

Van poder participar no I Concursu de decoración ya iluminación de Navidá tódalas personas con residencia na vil.la de Cangas del Narcea, asina cumo los comercios asitiaos na mesma zona, siempre que cumplan conos requisitos siguientes:

1º.- Ser mayores d'edá ou menores acompañaos d'un tutor legal que tean empadronaos en Cangas del Narcea.

2º.- Tener la decoración de Navidá acabada yá de forma permanente ente'l 12 del mes muertu de 2016 ya'l 6 de xineiru de 2017.

3º.- Tener decoradas dafeitu ventanas, balconadas ya fachadas de las súas casas ou escaparates de los sous comercios. 

4º.- Presentar la inscripción dientro de las fechas establecidas axuntando tódolos documentos solicitaos no rexistru del Conceyu de Cangas del Narcea, dirixéndolos a la Conceyalía de Fiestas, El Mercáu, 1. 

Van poder presentase de forma conxunta al concursu casas particulares independientes que compartan una mesma fachada d'un edificiu, nomando un representante a los efectos del concursu. Namás vei poder

Al concursu presentaráse un proxectu únicu por casa ya/ou fachada. Asina, la vivienda que se presente en conxuntu nun poderá presentase de forma independiente ya viceversa. 

Nos escaparates de los comercios tienen de figurar artículos de venta propios del tipu d'establecimientu.

4. ENTIDÁ ORGANIZADORA

La entidá organizadora del Concursu de decoración exterior de Navidá, reconociendo cumo tal a la encargada de la súa xestión, coordinación, mantenimientu, inspección, arbitraxe ya siguimientu, yía'l Conceyu de Cangas del Narcea.

5. INSCRIPCIONES

Pa poder participar no concursu yía necesario presentar la fueya d'inscripción que s'axunta nestas bases no rexistru del Conceyu de Cangas del Narcea, dirixéndola a la Conceyalía de Fiestas, El Mercáu, 1, ente'l 23 de los santos ya'l 9 del mes muertu de 2016.

Xunto cona inscripción tendrán qu'axuntase dúas imáxenes indicando'l nome del participante ya la fecha na que se feixo la fotografía. Las imáxenes tienen de permitir ver de forma íntegra la decoración.

La participación no concursu supón l'aceptación de las bases presentes, amás de la decisión del xuráu.

La inscripción no concursu yía de baldre.

6. PREMIOS

Las categorías pa esti concursu van ser las siguientes:

Categoría casas particulares:

1er Premiu: 200 Euros

2u Premiu: 100 Euros

3er Premiu: 50 Euros

Categoría comerciu:

Premiu únicu: 300 Euros

En todos estos casos, las personas ganadoras van recibir un diploma distintivu.

7. XURÁU

El xuráu vei tar compuestu por dous miembros d'APESA, un diseñador ya/ou decorador, dous representantes de los medios de comunicación ya dous representantes de la Casa Conceyu, que fairán la inspección de las casas ya los comercios inscritos no concursu ente los días 27 ya 30 del mes muertu.

8. CRITERIOS DE VALORACIÓN

Valoraránse especialmente las características siguientes nos proxectos presentaos:

Categoría casas particulares:

• Diseñu, orixinalidá ya calidá.
• Vinculación ambiente de Navidá.
• Calidá estética.

Categoría comerciu:

• Diseñu, orixinalidá ya calidá.
• Vinculación ambiente de Navidá.
• Calidá estética.
• Modernidá ya innovación.
• Exposición del propiu productu.

9. DETERMÍN

El determín del xuráu daráse a conocer el día de la entrega de premios. El sitiu, la fecha ya la hora d'esti actu serán feitos públicos no sou momentu.