El teatru entra n'escena en Cangas nesti 2019 ya failo d'una manera mui especial, con Tienda 47, de Teatro Cuervo.

El miércoles 30, a las 18:00 horas, una apuesta escénica pa tola familia ofrecerá la posibilidá d'internase nuna tienda de campaña militar ya vivir una experiencia teatral diferiente de 30 minutos de duración cumo "turistas de la guerra".

Teatro Cuervo quier falar de la guerra dende l'humor más absurdu. Inspirándose en Gila, Fernando Arrabal, las películas de Chaplin... van intentar aveirar el teatru a todas partes, creando un espaciu escénicu itinerante ya instalable en cualquier ubicación alternativa.

En definitiva, la guerra dende la comedia más absurda. Recurriendo a un espaciu alternativu, pa facer un espectáculu d'inmersión onde'l públicu se siente parte de sí mesmu.

Yá se sabe que "De las guerras, puede esperase todo".

Las plazas tán limitadas a 50 personas por pase, con posibilidá de que se fagan dous pases en casu de que se supere l'aforu no primeiru.