La Conceyalía de Cultura del Conceyu Cangas ta acabante presentar la propuesta añal nueva del sou yá consolidáu festival de curtios.

Ente las novedades, dúas nada despreciables, amplíanse las celebraciones a una sumana ya inclúise una categoría nueva a la competición, que pasa de local a autonómica, anque conserva ya blinda la sección local tradicional.

Los requisitos de participación pa cualquiera de las secciones, local ou autonómica, son nacer ya/ou residir n'Asturias, tener feito los curtios a partir de xunu de 2018, participar con curtios orixinales que nun se presentaran antias a esti festival que cunten con una duración máxima de 5 minutos, incluyendo títulos de créditu si los houbiera, ya fader el trabayu na resolución máxima que sea posible, siempre, eso sí, en mp4. Al archivu de vidiu ha axuntáse-y un cartel que lu ilustre. Ente las opciones presentadas, el xuráu escoirá un  ganador. Nesti sentíu, ábrese la posibilidá a que cada persona participante presente un máximu de 3 curtios. Outramiente, el plazu d'inscripción de participantes ábrese'l 1 d'abril ya acaba'l día 30 del mesmu mes a las 12 a. m. El formulariu de participación haberá dunviase a la dirección de corréu electrónicu culturacn@ayto-cnarcea.es ya los trabayos propiamente a la dirección cangasyaccion@gmail.com. Yá importante tener en cuenta qu'ha cubrise una solicitú por curtiu presentáu.

 Los premios de las dúas categorías son los qu'axuntamos embaxo:

SECCIÓN OFICIAL

• 1^er clasificáu: 500 euros ya troféu
• 2^u clasificáu: 400 euros ya troféu
• 3^er clasificáu: 300 euros ya troféu

SECCIÓN ¿CANGAS¿

• 1^er clasificáu: 300 euros ya troféu
• 2^u clasificáu: 200 euros ya troféu
• 3^er clasificáu: 100 euros ya troféu

La primera teniente alcalde, Laura Álvarez, anima a la ciudadanía a sumase a esta apuesta cinematográfica decidida del Aria de Cultura ya a disfrutar de cine de calidá feitu n'Asturias.