La Conceyalía de la Muyer abre un plazu nuevu de solicitú pa participar no programa ¿Tiempu propiu¿, un programa gratuitu, financiáu íntegramente pola Conceyalía de la Muyer del Conceyu Cangas, ya qu'ofrez ociu saludable a muyeres mayores de cincuenta años.

Nesti cursu, van faese seis talleres, una salida cultural, una xanta d'alcuentru n'outru conceyu ya un piel.le oficial del programa n'acabando tolos talleres.

Los talleres inclúin actividá física, hai un taller de yoga ya outru de movimientu saludable, ya actividá vinculada al desenvolvimientu d'outros aspectos, qu'inclúi talleres d'Internet, nivel inicial ya avanzáu; un taller de memoria ya outru de radio.

El plazu de solicitú de participación ábrese'l xueves 20 de setiembre ya ciérrase'l xueves11 d'outubre ya la convocatoria inclúi a alumnas antiguas ya nuevas. La solicitú puede presentase na propia oficina de l'Axencia d'Igualdá d'Oportunidades n'horariu de 12:00 a 14:00 horas ou por teléfonu: 985813812.

La conceyala de la Muyer, Carmen López, valora mui positivamente l'andadura d'esti programa, que yá acumula 11 años de traxectoria exitosa onde contribuío decisivamente a la cobertoira d'espacios de desenvolvimientu personal ya disfrute pa muyeres mayores de cincuenta años.