El Conceyu de Cangas del Narcea, en colaboración cono CPR d'Avilés, abre'l plazu de matrícula pa participar nunas xornadas de trés días de formación sobre coeducación.

Durante la celebración de las xornadas, varias especialistas n'educación ya xéneru falarán sobre experiencias actuales n'escuelas de 0-3, coeducación ya familia, promoción de la coeducación desde l'alministración pública ya coeducación propiamente.

Las charlas pondránse n'horariu de tarde, a partir de las 17:00 horas el martes, el miércoles ya'l xueves ya afondarán na cuestión propuesta contrastando puntos de vista diferientes pero complementarios.

Pa participar, yá imprescindible apuntase antias no CPR d'Avilés ou na Axencia d'Igualdá d'Oportunidades del Conceyu Cangas. El plazu de matrícula ábrese'l 5 de febreiru ya ciérrase'l 6 de marzu ya la lista definitiva de personas almitidas publicase'l día 9 de marzu.

La conceyala d'Igualdá, Carmen López, anima a las muyeres de la zona, independientemente de que formen parte del ámbitu educativu, a participar nestas charlas tan interesantes.    

Imágenes