A partir del xueves 11 de xunu ya hasta'l 24 del mesmu mes, vei tar abiertu'l plazu d'inscripción pa las XVII Colonias urbanas "Esparcer" de Cangas del Narcea, "que nesta edición van ser de baldre ya tar adaptadas a la normalidá nueva, con cinco grupos reducíos ensin contactu ente el.los", explicóu  Rosa Caballero, responsable de la Oficina Moza de Cangas del Narcea. Las plazas van ser limitadas, 45 participantes en cadagunu de los dous turnos. Outramiente, tán dirixidas a nenos/as d'ente 6 ya 12 años. Van desenvolvese coincidiendo conas primeras quincenas de santamarina ya agostu. El día 25 de xunu vei publicase la lista de personas almitidas, ente las qu'haberá un sortéu en casu de que la demanda supere a la ufierta de plazas. La información relativa a l'almisión vei comunicase a las familias ente'l 25 ya'l 29 de xunu. El día 30 vei fese una regunión conas familias por grupos pa especificar el funcionamientu de las colonias ya los protocolos sanitarios qu'han cumplir. Las inscripciones van poder fese al traviés d'un formulariu na web del Conceyu.

• Dende esti enganche, puede accedese al formulariu d'inscripción: www.ayto-cnarcea.es -Servicios ciudadanos -Mocedá -Formulariu XVII Colonias urbanas