Esta yía una más de la bona riestra d'actuaciones que la entidá prepara pal 2019, cono obxectivu de difundir la cultura musical convirtiendo a la propia música en códigu ya canal de comunicación permanente ente la ciudadanía canguesa ya la escuela.

No 2019 fairánse varias audiciones n'espacios públicos diferientes, entrín ya non, despidimos l'añu con esti conciertu. Na actuación, tarán representadas tolas especialidades instrumentales ya asignaturas que componen las secciones diferientes de la escuela.

La conceyala de Cultura, Carmen Riesco Combarro, di sintise mui satisfecha cono bon faer de la escuela ya, particularmente, cona súa integración na vida social canguesa al traviés d'esti tipu de conciertos, que tan decisivamente contribúin al advenimientu ya la promoción de la música no nuesu conceyu.