Pa empicipiar, el día 24, Papa Noel recibirá a tolas/os nenas/os na carpa de La Plaza la Oliva en sesión de mañena (12:00-13:30) ya de tarde (17:30-19:00).
    Los días 27 ya 30, pola súa parte,  mantendráse la ilusión navideña con actividades infantiles ofrecidas na mesma carpa de La Plaza la Oliva ente las 11:30 ya las 13:30.  Pa participar, yía imprescindible apuntase anantes na Casa la Cultura "Palaciu d'Oumaña".
    Pa siguir, el día 28, a las 18:00, haberá una obra infantil no Teatru Toreno, Shhhhh... os cuento un secreto, de David Acera. Durante la sesión, esti cuntador d'historias irá introduciendo al públicu  neso tan necesario ya guapo que se denomina interculturalidá.
    El 29, a la mesma hora, será Teresa Rabal la qu'entretenga a grandes ya pequenos nel mesmu espaciu teatral.
    Ya, yá pa rematar esta mesma sumana d'actividá, el 31, el públicu infantil  cuntará cona súa propia fiesta de Fin d'Añu ente las 11:30 ya las 13:30, despidiéndose l'añu con campanadas incluidas a las 12:00 horas.
    El 3 ya'l 4 del añu nuevu haberá actividades especiales na carpa de La Plaza la Oliva, nesti casu, trataráse de "fueos" ya hinchables. La primera de las actividades celebraráse a las 18:00 ya la segunda de 11:30 a 13:30.
    Ya'l día 5, a las 18:00, culminando esti periodu d'ilusión, celebraráse la cabalgata tradicional, na que las nenas ya nenos de Cangas poderán a la fin compartir un momentu conos Reis antias de la gran sorpresa del día siguiente.