Con esta proclama tan guapa, empicipia la Escuela Infantil de 0-3 ¿Los Xigantinos¿ las súas VIII Xornadas de poesía, qu'acaban d'inaugurar güei 14 de mayu.
El centru, preocupáu  pola pouca presencia de la poesía ente'l públicu infantil, decidíu hai yá unos años motivalos con estas xornadas dedicadas al xéneru líricu, alimentándo-ys, de pasu, l'afán pola lectura.

Ente los actos más siñalaos, alcuéntrase la presentación cona presencia del autor, Daniel García Granda, ya la ilustradora, Llemi Cuesta Mier, de la obra Versos de Asturias, trabayada en clase, actu central de la inauguración de las xornadas.Tamién la exposición del cuentu Chispina ya muitos talleres con poesías animadas.

Durante los actos de cierre, la responsable del Serviciu de Normalización L.lingüística, Mónica Rodríguez Riesgo, dedicará al alumnáu'l poema Los xigantinos, escrito pa la ocasión, aprovechando, amás, la celebración esta mesma sumana de las L.letras Asturianas. A esti actu últimu, asistirá la conceyala de Cultura, Carmen Riesco Combarro ya la coordinadora del Aria de Cultura, Noelia Rodríguez Menéndez.

La conceyala de Cultura siéntese contenta pola impronta que tanto la poesía cumo la literatura en xeneral tán teniedo esti mes de mayu ya espera que'l papel preponderante de la literatura siga acompañándonos el restu l'añu, por tolo que de bono nos aporta.