Condiciones pa la contratación de la barra del bar durante las fiestas del Carme ya la Madalena 2019.

• Obxectu: dotar al parque de Los Nogales d'un serviciu de bar
•  Días: 14, 15, 16, 21 ya 22 de santamarina de 2019
•  Canon mínimu: 15.000 ¿ (quince mil euros)
•  Plazu de presentación: 27 de mayu de 2019, a las 14:00 horas
• Sitiu de presentación: Oficinas del Conceyu de Cangas del Narcea, El Paséu (C/Uría), 13, baxu, 33800, Cangas del Narcea 

1.- OBXECTU

L'obxectu d'estas condiciones yá dotar al parque de Los Nogales (recintu onde van celebrase las verbenas) d'un serviciu de bar durante los días 14, 15, 16, 21 ya 22 de santamarina de 2019. 
En casu de variación nas fechas de las verbenas, entenderáse autorizáu'l serviciu de bar pa las mesmas. 
L'asitiamientu de la barra vei ser indicáu pol personal del Conceyu Cangas, que marcará, amás, los espacios máximos a ocupar (20,5 m). En tou casu, la instalación de la barra vei facese sin afectar a las entradas d'establecimientos, garaxes ou viviendas, ya deixando espaciu abondu pal tránsitu de vehículos d'emerxencia ya de l.limpieza. 
Nun van poder vendese bocadillos, pinchos nin similares, tampouco colocase sillas ya mesas.  

2.- PLAZU D'OCUPACIÓN

La barra ha tar montada'l día 14 de santamarina. L'horariu de funcionamientu vei ser el propiu de las verbenas, dende las 22:00 horas hasta la finalización de las mesmas. 

3.- CRITERIOS D'ADXUDICACIÓN

El criteriu únicu d'adxudicación vei ser el canon más altu ofrecíu. 
Valoración mínima: 15.000 euros (QUINCE MIL EUROS)

4.- PLAZU YA SITIU DE PRESENTACIÓN

La ufierta debe axustase a lo previsto nas condiciones presentes.  
Cada licitador nun vei poder presentar más d'una ufierta. 
Las ufiertas van poder ser dunviadas por corréu postal ou presentadas nas oficinas del Conceyu Cangas, n'El Paséu (C/Uría), 13, baxu, 33800, Cangas del Narcea, hasta'l día 27 de mayu de 2019, a las 14:00 horas.   

5.- DOCUMENTACIÓN A PRESENTAR

Las personas interesadas van presentar la súa ufierta nun sobre cerráu adecuadamente, debiendo facer constar no mesmu la lienda siguiente: "UFIERTA ECONÓMICA PA LA INSTALACIÓN DE LA BARRA DEL BAR DE LAS FIESTAS DEL CARME YA LA MADALENA 2019".  
No interior del sobre ha contenese la declaración responsable axustada al modelu que se recói no Anexu I de las condiciones presentes, debidamente cubierta ya firmada. 

6.- APERTURA D'UFIERTAS

N'acabando'l plazu de presentación d'ufiertas, vei procedese n'actu públicu a l'apertura de las mesmas.  Esti actu, al que van poder asistir tolos licitadores, vei celebrase'l 30 de mayu de 2019, a las 11:00 horas, na Sala de Plenos del Conceyu Cangas.   
En casu d'empate de dous ou más licitadores, esti resolveráse mediante sortéu. Nun vei ser necesaria la presencia de tolos licitadores pa proceder al sortéu. 

7.- REQUERIMIENTU DE DOCUMENTACIÓN

• N'adxudicando la barra, antias de proceder a la súa adxudicación, la persona adxudicataria ha presentar la documentación siguiente: 
• Documentos acreditativos de la personalidá xurídica ya capacidá d'obrar. Los empresarios que sean personas xurídicas van apurrir escritura de constitución, xunto conos estatutos en vigor ya l'acta fundacional.
• No supuestu d'empresarios individuales, van acompañar la solicitú de copia del Documentu Nacional d'Identidá. 
• Documentos acreditativos de la representación. Las personas que comparezan ou firmen las proposiciones en nome de personas xurídicas ou d'outras personas naturales han presentar documentación acreditativa de representación ou apoderamientu. 
• Certificáu acreditativu de tar al corriente de las súas obligaciones tributarias cona Axencia Estatal ya la del Principáu d'Asturias.  
• Certificáu acreditativu de tar al corriente de las súas obligaciones cona Seguridá Social.  
•  Póliza de seguru que cubra a lo menos las responsabilidades civiles frente a terceiros los días de celebración de la festividá, amás de durante'l periodu de montaxe ya desmontaxe de las instalaciones. El capital mínimu ha ser de 300.000 euros

8.- EXAME DE DOCUMENTACIÓN YA SUBSANACIÓN

Recibida la documentación a la que se refier la cláusula interior, examinaráse la mesma ya, no casu de presentase incompleta ou con defectos, daráse-y al licitador un plazu máximu de TRÉS DÍAS HÁBILES pa la súa subsanación. 
En pasando esi plazu, si'l licitador nun subsanase, entenderáse que retiróu la ufierta, procediéndose a recabar tola documentación reseñada al licitador que presentara la meyor ufierta siguiente. Esti procedimientu aplicaráse sucesivamente si se repitieran las circunstancias. 

9.- ADXUDICACIÓN DE L'AUTORIZACIÓN

L'autorización vei ser otorgada pol órganu competente.  

10.- PAGU DEL CANON

El canon abonaráse íntegramente con anterioridá al principiu de la explotación. El pagu vei faese mediante tresferencia bancaria no númaru de cuenta siguiente de COFECA:  ES17 - 2048 - 0016 - 7934 - 0000 - 4412
L'impagu del canon vei implicar la revocación automática de l'autorización. 

11.- RIESGU YA VENTURA

La explotación de las instalaciones vei faese a riesgu ya ventura del adxudicatariu de l'autorización. COFECA nun participa de niuna manera na financiación de l'actividá nin asegura recaudación ou rendimientu mínimu.

12.- SUSPENSIÓN DE L'ACTIVIDAD POR COFECA

COFECA vei poder alcordar la suspensión de la totalidá ou parte de la explotación en cualquier momentu por razones d'interés públicu, ensin xenerar drechu a indemnización cuando se produzan daños no dominiu públicu. 
Amás, la explotación vei poder ser suspendida cuando concurra causa de fuerza mayor qu'imposibilite'l desenvolvimientu de l'actividá, compensando a la persona interesada polos gastos qu'acredite incurrir -excluida l'alquisición de consumibles- hasta un máximu de 300 ¿ ou l'importe equivalente al tiempu que quedara d'explotación si la suspensión se produz yá empicipiada la explotación.

13.- INSTALACIONES

L'alquisición, instalación ya conservación de los elementos necesarios pal desenvolvimientu de l'actividá vei ser por cuenta de la persona adxudicataria. La tipoloxía ou modu d'instalación puede tar condicionada por COFECA por causas d'interés públicu debidamente xustificadas. 

14.- DRECHOS DEL ADXUDICATARIU

• La persona adxudicataria vei tener los drechos siguientes: 
• Usu de suelu públicu pal desenvolvimientu de la súa actividá.  
• Mantenimientu de las instalaciones pa la súa explotación.
• Indemnización por supresión de la prestación siempre qu'esta sea provocada por causas ayenas a la persona adxudicataria ya nun se chegara al términu de la ocupación.  
• A que se-y facilite enganche d'augua ya d'enerxía eléctrica ya a que s'instalen contenedores pa la recoyida de residuos.

15.- OBLIGACIONES DE LA PERSONA ADXUDICATARIA

•  Atender el pagu de tolos impuestos, drechos ya tasas, tanto estatales cumo del Conceyu ya/ou autonómicos que graven l'exerciciu de l'actividá obxectu de l'adxudicación presente.  
• La persona adxudicataria vei ser la responsable exclusiva del cumplimientu de las disposiciones laborales respectu del personal qu'emplee pal desenvolvimientu de l'actividá de bar. 
• Mantener l'asitiamientu nel que s'ubique la barra del bar ya la súa redolada nunas condiciones hixénicas adecuadas, debiendo revertir esti espaciu al Conceyu nas mesmas condiciones nas que se recibíu. 
• Vixilar el bar ya adoptar las mididas necesarias pa evitar daños nas instalaciones, roubos ou actos vandálicos. COFECA nun vei asumir niuna responsabilidá nesti sentíu. 
• Exercer por sí mesmu l'actividá, ensin que pueda exercitar la cesión a terceiros ensin la conformidá expresa de COFECA.
• Cumplir cono dispuesto na normativa relativa a la seguridá ya la hixene no trabayu, amás de cono dispuesto na normativa sanitaria ya de consumu ya de tresportes de bebidas ya, más en concreto, no dispuesto no RD 1010/1985, de 5 de xunu, pol que se regula l'exerciciu de determinadas modalidades de venta fuera d'un establecimientu comercial permanente, ya na Lei del Principáu d'Asturias 11/2002, de 2 del mes muertu, de los consumidores ya usuarios. 
• Tar en posesión de facturas ya albaranes qu'acrediten la procedencia de la mercancía ya presentalos a requerimientu de l'autoridá competente si asina lo demanda. 
• Instalar un cartel cona indicación de la lista de precios de los productos, en sitiu visible dafeitu pa la clientela. Nesta lista incluiráse l'IVA ya cualquier outru impuestu qu'esixa la normativa en vigor. 
•  Usar envases de material desechable.
•  Disponer ya dispensar bebidas debidamente embotelladas, identificadas mediante etiquetas de modu qu'existan garantías en cuanto a la súa procedencia d'una industria autorizada sanitariamente.  

16.- EXTINCIÓN DE L'AUTORIZACIÓN.

• Van ser causas d'extinción las siguientes:
• Que sobrevengan circunstancias qu'esixan, por razones d'interés públicu, el fin de la ocupación demanial.
• L'usu de las instalaciones pa usos diferientes a los autorizaos.
• Facilitar bebidas alcohólicas a menores.
• La cesión de l'autorización.
• El cierre inxustificáu de las instalaciones.