La Fundación Osu d'Asturias trai a Cangas del Narcea durante esta Navidá la exposición "Osos: pasáu, presente ya futuru del Osu Pardu".

La exposición puede visitase na Casa la Cultura "Palaciu d'Oumaña"ente'l vienres 15 del mes muertu ya'l 10 de xineiru.

La exposición "Osos" ta compuesta por una serie de paneles con información xeneral sobre l'osu pardu ya la súa evolución no tiempu, lasactividades de la fundación ya los retos nuevos que plantea la
conservación d'estos exemplares nun marcu de crecimientu, tanto de la especie cumo del turismu de la naturaleza.

Dientro del marcu de la exposición, la Conceyalía de Mediu Ambiente organiza xunto a la Fundación Osu Asturias el taller infantil "Cúmo yá un osu". El taller vei faese'l xueves 28 del mes muertu, a las 12:00 horas na Casa la Cultura. Las nenas ya nenos van poder visitar la exposición, explicada polos miembros de la Fundación Osu Asturias ya, posteriormente, faer un taller onde van deprender muitas cousas sobrecúmo son ya viven los osos, hasta podrán faer una careta d'osu.

Las nenas ya nenos interesaos pueden apuntase na Casa la Cultura  "Palaciu d'Oumaña" hasta'l día 27.