La charla ta abierta a toda la ciudadanía ya vei cuntar cona presencia de Juan Prado, inxenieiru agrónomu. La finalidá yía informar sobre todu tipu de cuestiones enfocadas al conecimientu del insectu, amás d'a las técnicas de trampéu más efectivas, incluida la fabricación de cebos en casa.

La especie Vespa velutina nigrithorax, más conecida cumo briespa asiática, detectóuse por primer vez n'España no añu 2010 ya extendíuse espuéis a muita velocidá, detectándose yá n'Asturias no mes de santamarina de 2014. Esta especie causa daños no mediu ambiente, los individuos adultos atacan árboles de fruta ya viñas ya tamién a abeas ya a outros insectos polinizadores.

Yía imprescindible formar a la población no sou conxuntu pa qu'identifiquen ya diferiencien a la Vespa velutina ya a los sous nigos ya pa que sepian cúmo actuar énte la súa presencia. Esa ía la base pa l.luitar contra la súa expansión.

Dende'l Principáu d'Asturias púxose en funcionamientu un PLAN PA DESANICIAR LA BRIESPA VELUTINA, al traviés del que se convida a la ciudadanía ya a las ya los apicultoras/es a sumase a una REDE DE VOLUNTARIÁU dispersa pol territoriu ya que pretende fader por desaniciar la plaga de la briespa asiática.

Los Conceyos van designar una persona que coordine la rede de voluntariáu, supervise l'actividá ya facilite los medios pal trampéu.

Cono fin de crear la rede de voluntariáu'l Conceyu Cangas convoca una charla ya vei empicipiar cono repartu d'atrayente.  

CHARLA DE DETECCIÓN YA CONTROL DE LA BRIESPA VELUTINA

• Fecha: 10 DE MARZU 18:00 H
• Sitiu: AUDITORIU CASA LA CULTURA CANGAS DEL NARCEA

La charla ta abierta a toda la ciudadanía ya vei cuntar cona presencia de Juan Prado, inxenieiru agrónomu. La finalidá yía informar sobre todu tipu de cuestiones enfocadas al conecimientu del insectu, amás d'a las técnicas de trampéu más efectivas, incluida la fabricación de cebos en casa.

 REPARTU D'ATRAYENTE PA LA REDE DE VOLUNTARIÁU

• Fecha: 2 DE MARZU 10:00 A 12:00 H
• Sitiu: CONCEYU DE CANGAS DEL NARCEA