En referencia a la campaña de pación del añu 2019, establécense los plazos d'inscripción no censu de ganáu ya de solicitú de licencia de pación.

CENSU DE GANÁU

Cona finalidá de dar cumplimientu  a lo establecío na Ordenanza de la Pación del Conceyu Cangas, vei formalizase la revisión del censu de ganáu del Conceyu Cangas. La inscripción del ganáu mencionáu no censu ganadeiru del Conceyu Cangas yá un requisitu indispensable pa tener drechu a licencia de pación nos Montes d'Utilidá Pública de Cangas del Narcea, la relación de zonas figura cumo anexu na Ordenanza de  la Pación del Conceyu Cangas. A esti efectu, existe una ficha d'inscripción qu'ha ser cubierta ya dunviada al Conceyu Cangas. Los plazos a tener en cuenta son los siguientes: 

• Inscripción  no Censu de Ganáu del Conceyu:    Del 8 al 21 de xineiru de 2019
• Exposición pública del Censu de Ganáu del Conceyu:    Del 22 de xineiru al 4 de febreiru de 2019
• Periodu d'alegaciones al Censu  de Ganáu del Conceyu:    Del 22 de xineiru al 6 de febreiru de 2019
• Publicación Censu  de Ganáu del Conceyu Definitivo:    12 febreiru de 2019

SOLICITÚ LICENCIA DE PACIÓN

Pa la solicitú de licencia de pación nos MUP 132 Los Acebales, MUP 133 Los Cadavales, MUP 134 Cengadera ya MUP 136 Xinestosa, vei necesitase apurrir cubiertu'l modelu de solicitú existente al efectu, xunto cona carta última de saneamientu. Las personas xurídicas, amás, han apurrir, escritura de constitución de la entidá.
Los plazos a tener en cuenta son los siguientes:

• Solicitú de Licencia de Pación:    Del 13 al 26 de febreiru de 2019

Recuérdase que l'horariu del Rexistru Presencial d'Entrada de Documentos del Conceyu Cangas yá de l.lunes a vienres de 9 a 14 horas. Si Ud. ta ente las personas obligadas a relacionase cona Alministración de forma electrónica  (Art. 14.2 Lei 39/2015 de Procedimientu Alministrativu Común de las Alministraciones Públicas: personas xurídicas, entidades ensin personalidá xurídica, profesionales de colexación obligatoria no exerciciu de la súa actividá profesional) ha presentar solicitudes, instancias ya comunicaciones a l'Alministración al traviés del rexistru electrónicu, http://sedeelectronica.ayto-cnarcea.es. No casu de que lu presente presencialmente vei ser requeríu pa que proceda a la subsanación al traviés de la súa presentación electrónica. A estos efectos, considérase cumo fecha de presentación esa na que fose feita la subsanación.

Pa cualquier duda,  puede dirixise a las dependencias de l'Axencia de Desenvolvimientu del Conceyu, asitiada n'El Paséu,13 - Baxu- Cangas del Narcea (Tfn.: 985 810 560).

Documentos

• Ficha Censo 2019
• Ficha Pastos 2019