Por unas fiestas l.libres d'agresiones sexistas - ayto-cangasdelnarcea
- ayto-cangasdelnarcea
- Casa Conceyu
- Noticias
- Noticia
POR UNAS FIESTAS L.LIBRES D'AGRESIONES SEXISTAS
Pa facelo, recóinse dúas propuestas d'ente las posibles, que van ponese en marcha nas fiestas del Carme ya la Madalena d'estiañu 2019 ya que son:
Difusión d'una pegatina ente tódalas personas que participen no desfile de peñas del día 14 de santamarina, cono eslogan: "Nun quiero sintime valiente cuando salga de fiesta, quiero sintime l.libre. NON yá NON".
Repartu de cartel nos establecimientos de la vil.la, cono eslogan: "STOP violencia sexista, namás SÍ yá SÍ". Indicando que'l local apoya unas fiestas l.libres d'agresiones sexistas onde se recóin dous teléfonos a los que chamar en casu de necesidá.
"Queremos que tódalas muyeres se sientan l.libres ya seguras nas nuesas fiestas", indica Carmen López, conceyala d'Igualdá del Conceyu Cangas, "pa facelo, colaboramos con esta iniciativa del movimientu 8M. Agradecemos ya tamos mui arguyosas de la implicación de tódalas peñas de la pólvora ya de los establecimientos dedicaos a la hostelería ya'l comerciu na súa difusión".
El repartu de pegatinas cunta cona colaboración de las peñas de la pólvora, que, amás de las frases orixinales que reparten tolos años, van repartir tamién la pegatina de la campaña.
Las pegatinas tamién van repartise no quioscu de Juan, na plaza La Refierta.
Pola súa parte, los establecimientos dedicaos a la hostelería ya'l comerciu que quieran participar na difusión, pueden recoyer el sou cartel no mesmu sitiu.