La cinta fui dirixida por Moisés Álvarez, principalmente músicu ya compositor, anque tamién, yá más recientemente, colaborador, guionista ya director del séptimu arte, con trabayos cumo 21x21, documental presentáu na 50 edición del FIC Xixón; Amargo ya Amarraditos, curtios de Gonzalo Bengoa onde trabaya cumo compositor; Rosas con voz, documental d'Ioseba Parra nel que trabaya cumo compositor tamién ou Rosas con voz 2, documental onde participa cumo codirector, coguionista ya compositor.
En cuanto al repartu ya l'ambientación, las dúas cousas son 100% canguesas. Participan no  curtiu grabáu en Cangas: Guillermo Lastra, Evaristo Gundín, Paco Taboada, Julio Santiago, David Mancebo ya Elena Ruidíaz.
La imaxe, el soníu ya la realización corrienon a cargu de Roberto R. Saavedra ya las imáxenes dron fonon cedidas por Falo (Erdogan).
Amás, los autores de la grabación quixenon faer mención especial a Amelia Fernández ya al vecindariu de la Calle Pelayo, 6, polas molestias causadas durante'l rodaxe.
La sinopsis, pola súa parte, narra'l descensu al infiernu d'un grupu de cangueses ya garantiza, énte todo, bonos momentos.
Con esta incursión cinematográfica, las personas implicadas pretenden contribuir al desenvolvimientu de la escena cultural canguesa.