El xueves 11 d'agostu presentaráse nel auditoriu de la Casa la Cultura "Palaciu d'Oumaña" a las 19:30 el l.libru Vegalagar. Historia de la Parroquia, cola participación de: Gerardo Álvarez Lago, autor del l.libru; Mª Carmen Riesco Combarro, conceyala de Cultura; Jesús Hevia Vallina, xefe del Archivu Diocesal d'Uvieo; Mª Josefa Sanz Fuentes, catedrática d'Historia de la Universidá d'Uvieo; Roberto Cabal Rubiera, moderador del actu.
    Ente las partes más interesantes d'esta obra, que fai un recorríu completu pola historia de la parroquia, figuran los foros, los cambios de xurisdicción, l'arriendu de propiedades a los vecinos, la creación de la parroquia de Santa María Madalena de Veigal.lagar, por separación de la de Samartín de Bergame sobre los años 1664-1665 ya l'acta de separación ente fidalgos ya l.labradores nos asientos de la iglesia no añu 1687. Tamién resulta d'interés l'accesu a la propiedá de los sous pueblos propios por parte del vecindariu ou l'apertura de comunicaciones cona creación de vías de pasu nuevas, cumo la carretera de Los Peneos de La Viña hasta Monesteriu por parte de la compañía maderera Robledor a principios de la década de 1950 ou dos ou trés años espuéis la pista a Combu, que permitíu la circulación de vehículos; la de L'Artosa touvo qu'esperar inda unos añinos más.

Imágenes