Durante esti mes d'outubre disfrutaremos de dúas obras de teatru infantil, Un gallinero en la azotea, del Callejón del Gato Teatro ya El caballeru de la murnia figura, de Nun Tris Teatro.
    La primera yía una historia de complicidá ente grandes ya pequenos. Una aventura pa tola familia que nos enseña cumo la creatividá ya l'arte pueden cambialo todo ya que deleitará a tolos públicos el miércoles 19 d'outubre a las 18 horas.
    La segunda, pola súa parte, yá una adaptación teatral d'El Quixote feita por Pedro Lanza, que se pondrá n'escena'l miércoles 26, a las 18 horas tamién.
    Pero non solo hai espaciu pa teatru na programación del Aria de Cultura, el cine gana protagonismu de la mano de dúas apuestas, una internacional ya outra local.
    La Cineteca Ambulante promete cubrir las demandas cinematográficas más esixentes los vienres que van del 21 d'outubre al 2 del mes muertu a las 20 horas. De feitu, chega a Cangas esti vienres 21 cona súa primera propuesta, El rey tuerto, de Marc Crehuet. Una película que fala de l'amistá, del intercambiu d'ideas ya de la belixerancia social.
    A esta proposición, síguela outra non menos interesante de Dagur Kári, Corazón gigante, que podremos visionar el vienres 28 d'outubre. Esta película, que tamién comparte cona anterior el corte social, fala de la inadaptación provocada pol sobrepesu, de la superación personal ya de la realización amorosa.
    Outramiente ya yá pa completar la ufierta cinematográfica del mes,cuntamos con un curtiu cangués, Misterioso suceso en Cangas, de Moisés Álvarez.