Convocatoria de subvenciones p'actividades d'asociaciones culturales ya deportivas
Cada linia dispondrá d'una consignación por valor de 10.000 euros. Esta partida irá repartiéndose ente las propuestas presentadas, en función del sou impactu social, la súa relevancia cultural ou deportiva ya la súa trescendencia pública.
Namás se subvencionará un proxectu por asociación cultural ou club deportivu. En cualisquier casu, los proxectos aspirantes deberán cumplir las condiciones expuestas nas bases reguladoras, aprobadas no Plenu del 30 de santamarina de 2015 ya publicadas con carácter definitivu no BOPA nu 245, de 22 d'outubre de 2015.
El plazu pa entregar las solicitudes acaba a los díaz días naturales de publicase la convocatoria no Tablón d'Anuncias ya Edictos del Conceyu Cangas (15/12/2016).
N'opinión de las personas responsables de las Conceyalías de Cultura ya Deporte, Carmen Riesco Combarro ya Sergio Boto Rodríguez, respectivamente; la convocatoria d'estas ayudas supón un apoyu sinceiru tanto al trabayu de dinamización cultural ya deportiva cumo a la promoción turística que fan las asociaciones del nuesu conceyu.
