VI Encuentro gastronómico y cultural sabores y saberes - ayto-cangasdelnarcea
VI Alcuentru gastronómicu ya cultural sabores ya saberes
El vienres 24 de xunu celebróuse no patiu de la casa conceyu de Cangas del Narcea l'alcuentru tradicional de sabores ya saberes.Un alcuentru que pretende favorecer la conocencia ya l'intercambiu ente las culturas diferientes que conviven en Cangas del Narcea.
Marruecos, Polonia, Rumanía, Francia, Australia, China, España... son namás dalgunos de los países representaos nesta muestra gastronómica ya cultural, na que, acompañando'l tonu festivu, compártense experiencias arriquecedoras ya conozse un pouquenín más de la cultura ya las tradiciones de los nuesos vecinos ya amigos.
Gracias al gran trabayu del aria de Servicios Sociales, que s'esfuerza cada día pola integración de las culturas diferientes que pueblan Cangas, podemos acceder a esos cachiquinos de gastronomía, tradición ya cultura inherentes a cualisquier comunidá humana.
Resulta un placer pa tódolos sentíos contemplar ya trastiar esti crisol n'armonía de sabores ya saberes.