Con motivu de la celebración del Día Internacional de las Personas Mayores, el Centru Social de Personas Mayores de Cangas del Narcea, en colaboración cono Conceyu de Cangas del Narcea, al traviés del Programa Rompiendo Distancias, organiza una serie de actividades.

La sumana dedicada a las personas mayores empicipiará'l martes día 19 de los santos con una ponencia que tien por títulu "Protégete de la gripe", a cargu de Beatriz Cuesta García ya Adrián Argüelles Curto, médicos del Serviciu de Medicina Interna del Hespital "Carmen ya Servero Ochoa".

No marcu d'esta sumana, tamién vei faese un viaxe a la Residencia-spa de la Minería, en Felechosa, con circuitu de spa ya xanta incluida.

La sumana dedicada a las personas mayores vei acabar con una exposición de fotos d'outras xornadas, xanta d'harmandá ya bail.le no Centru Social de Personas Mayores.

Las personas interesadas nestas actividades pueden apuntase tanto no Centru de Servicios Sociales, Programa Rompiendo Distancias, cumo no Centru Social de Personas Mayores.

Con estas actividades, preténdese dar protagonismu ya emponderar la figura de las personas mayores, amás de contribuir al sou avieyamientu activu ya saludable.