El Conceyu de Cangas del Narcea, al traviés del Aria de Cultura, convoca un concursu de debuxu con motivu de la celebración del Día del L.libru. Los debuxos ganadores van convertise na imaxe de los marcapáxinas que la Biblioteca del Conceyu repartirá a partir del 23 d'abril, Día del L.libru, d'estiañu.
 
BASES DEL CONCURSU
1. Pueden participar tódolos nenos ya nenas d'ente 6 ya 12 años que quieran. Establécense dúas categorías:  
    Primera categoría:  1u, 2u ya 3u de Primaria.
    Segunda categoría:  4u, 5u ya 6u de Primaria.

2. El debuxu ha ser orixinal, inéditu ya nun cuntar con niún premiu anterior.  

3. Establezse un premiu de 60 euros pa cadaguna de las categorías, a gastar en l.libros ou material escolar en cualquier l.librería de Cangas del Narcea.

4. El debuxu presentáu nun foliu A4 ha tar centráu ya tener formatu de marcapáxinas. El tema escoyíu pa estiañu 2018 yá "Monstruos de cuentu", concidiendo cono bicentenariu de la publicación de Frankenstein de Mary W. Shelley.

5 .Los debuxos han incluir un pseudónimu na parte d'atrás ya ir acompañaos d'un sobre cono mesmu pseudónimu ya categoría na que participan. Dientro'l sobre han ir los datos del participante (categoría na que participa, centru educativu, cursu ya grupu, nome, apellíos ya teléfonu de contactu).

6. El plazu pa presentar debuxos acaba'l 11 d'abril d'estiañu.

7. Los debuxos han entregase na Biblioteca "Padre Carvallo" del Conceyu (La Plaza La Oliva, s/n, 33800, Cangas del Narcea), n'horariu de 10:00 a 13:30 horas ya de 16:00 a 19:30 horas.

8. El xuráu vei tar compuestu por representantes del Aria de Cultura del Conceyu Cangas.

9. Los debuxos presentaos van quedar en poder del Conceyu de Cangas.

10. La participación no concursu implica l'aceptación de las bases presentes.

11. El xuráu vei quedar facultáu pa resolver cualquier duda que se plantee sobre las bases presentes.