Ente'l 19 ya'l 23 de marzu,  Cangas celebra la súa XVII Semana Cultural, cargada d'actividades culturales que tendrán la vil.la de Cangas cumo escenariu. La cultura pasearáse pola vil.la de Cangas con formatos ya requeixos protagonistas diferientes.
Abre la sumana la inauguración de la exposición "La cultura pasea por la villa",  fotografías que muestran escenas protagonizadas por asociaciones canguesas diferientes en puntos distintos de la vil.la. Esta exposición será inaugurada'l  l.lunes 19 a las 20:00 horas ya podrá disfrutase hasta'l día 31 de marzu.
El martes, la xornada será dedicada al musical. El Teatru Toreno recibirá a las 20:00 horas a Escena Apache cona súa obra  La loca historia del Rock and Roll. Méndez Álvaro y los Cosmopaletas son una banda de rock and roll formada en Ribono (Mieres) a finales de los setenta, con influencias del rock sinfónicu ya la tonada ayerana. Nos 80 tresládanse a Madrí pa vivir la movida, adentrase nel punk, buscar l'éxitu, el sexu, la droga ya, lo más importante, la pasta. Una historia delirante del sou periplu por tierras d'España ya Portugal, una verdá cumo cualquier outra mentira, una historia del rock and roll.
El miércoles, pola súa parte, será'l turnu del teatru. La carpa del patiu de la Casa Conceyu agospiará, a las 20:00 horas,  la obra de teatru Una hora en la cocina, d'Higiénico Papel Teatro. Espectáculu mudu pa tódolos públicos. Trés actores en pugna por ganar "l.limpiamente" el concursu "La cocina de palaciu", una cocina, música excelente ya muito bon humor.

El xueves, siguimos conas artes escénicas, nesti casu cona danza. La carpa del patiu de la Casa Conceyu, a las 20:00 horas, acoirá l'espectáculu Disculpe, caballero, de Zig-Zag Danza, un recorríu por los tipos diferientes de danza al traviés de la figura del Quixote.

Cerrará una xornada cargada d'actuaciones el conciertu del coru de la Ópera de Oviedo,  dirixíu por Elena Mitrevska,  na Basílica de Santa María Madalena.Carmen Riesco Combarro, conceyala de Cultura del Conceyu Cangas, anima a participar nas actividades programadas en cualquiera de los escenarios dispuestos a la ciudadanía canguesa, recordando que la cultura tien cabida en cualquier espaciu, d'ahí esta iniciativa que pretende inundar Cangas de cultura, promoviendo l'acercamientu a la población.