Ente'l 23 ya'l 27 d'abril, Cangas celebra la súa XVII Sumana del Teatru.

Abre esta sumana dedicada a las artes escénicas Equipaje, de Saltantes Teatro. Una obra qu'afonda nos viaxes, entendíos cumo evolución personal ya cumo desplazamientu físicu. Todo relatao nun ambiente de suspense, onde afloran las miserias personales ya las de las relaciones de pareya.
El martes, El Callejón del Gato Teatro organiza la primera de las propuestas infantiles, Cyclo, una propuesta que, siendo muda, comunica más que nunca ya conciencia sobre la capacidá integradora de la naturaleza.

El miércoles, Maliayo Teatro ocupa las tablas del Toreno cona súa propuesta última, Vatericidio o el residuo de la realidad, una obra qu'alerta sobre los problemas que xenera la competencia empresarial, eso sí, con muitu humor.

El xueves, el Teatru Toreno vuelve ponese a disposición del públicu más pequenu con un espectáculu d'Higiénico Papel Teatro, Un duende en las nubes. El protagonista de la obra, Tikismikis, viaxará polas nubes aveirándonos historias fascinantes.

Pa cerrar una sumana espectacular, chegará Factoría Norte con Mucho ha llovido, una distopía ácida  sobre la identidá personal ya colectiva.

La conceyala de Cultura, Carmen Riesco Combarro, anima a la ciudadanía a participar d'esta ufierta cultural rica ya variada con propuestas pa tolos gustos.