Cangas del Narcea acói la 32 edición del Concursu subasta nacional de la raza asturiana de los val.les, que vei celebrase no Recintu Ferial de La Imera ente'l miércoles 24 ya'l 27 d'abril de 2019, siendo esti certame ganadeiru'l más importante de la raza ya tamién en relación al d'outras razas bovinas de producción cárnica.

Complementariamente al certame, vei faese no propiu recintu ferial una muestra d'artesanía'l vienres ya'l sábadu (26 ya 27 d'abril), que vei cuntar cona presencia d'una ventena de participantes del sector de l'alimentación ya l'artesanía.

P'acabar, durante estos días, la Xunta d'Hostelería del Conceyu Cangas organiza las Xornadas Gastronómicas del Xatu Roxu, el vinu DOP Cangas ya'l pan de Cangas.