A partir de güei, 2 d'agostu de 2018, Cangas inaugura una edición nueva del sou ciclu de cine de branu. Tódolos xueves ya vienres, la población canguesa poderá disfrutar d'una propuesta cinematográfica nueva no patiu de la Casa Conceyu a las 22:00 horas. Las cintas propuestas irán dirixidas a públicu infantil los xueves ya a públicu adultu los vienres.

Ente las propuestas pensadas pal públicu infantil nas cinco sesiones previstas pa esti mes d'agostu, alcuéntranse: Gru 3,  Angry birds, Capitán Calzoncillos, Ballerina ya Turbo.

Ente las propuestas destinadas a públicu adultu inclúinse: La, la, land; Moonlight, La librería, Lion ya Mañana empieza todo.

A esta ufiera, súmanse outras iniciativas, cumo'l ciclu de conciertos promovíu dende la Conceyalía de Turismu, que recuerre las ca¿¿es de la vi¿¿a tódolos sábados a las 20:00 horas con propuestas variadas: Ún de Grao, Son del Carmen, Música de Sofá ou Gestido. Ya, por supuesto, las actividades qu'acói Cangas durante la celebración de la UABRA, qu'inclúin conciertos, cumo'l de Carlos Rubiera ou la Orquesta Céltica Asturiana, los miércoles 1 ya 8, respectivamente, a las 22:30 no Teatru Toreno; ya conferencias sobre desenvolvimientu rural, cine, etimoloxía asturiana, periodismu ou turismu, todas e¿¿as abiertas a la ciudadanía los martes ya xueves de la primer quincena d'agostu, a las 19:00 horas, no Salón d'Actos de la Escuela-Hogar, pa más información: http://www.academiadelallingua.com/cursos-2/universida-asturiana-de-branu-uabra/.

La conceyala de Cultura, Carmen Riesco, anima a la población canguesa a aprovechar la ufierta cultural presentada nas nueites del mes d'agostu, recalcando qu'esta propuesta aveira a Cangas una programación cultural normalmente inaccesible, por concentrase na zona centru. Igualmente, reafírmase na súa apuesta por garantizar una programación cultural rica, variada ya de calidá.

Imágenes