Día Mundial contra'l Cáncer de Mama
Con motivu de la celebración el 19 d'outubre del Día Mundial contra'l Cáncer de Mama, Cangas súmase al color de rosa. Las fontes ya la Casa Conceyu serán las protagonistas d'esta conmemoración, cuntando con chorros d'agua d'esa tonalidá, l.lazos ya iluminación d'edificios emblemáticos no mesmu color.
Con esti tipu d'iniciativas, la Conceyalía de la Muyer del Conceyu Cangas quier sumase a las presentadas n'outros conceyos ya comunidades autónomas, cono obxectivu de sumar esfuerzos ya contribuir a la concienciación ya a la investigación en tornu a esta enfermedá.
Las actividades de visibilización ocupanon la mañena d'esti día ya siguirán presentes hasta'l día 29 d'esti mes, manifestando la participación activa del conceyu nesta campaña. Campaña que nun podería ser posible sin la colaboración desinteresada de la Panadería Artesana Manín, que aportóu los colorantes alimentarios necesarios pa tiñir los nuesos caudales d'augua.
La conceyala de la Muyer, Carmen López, recalcóu la necesidá d'afondar na investigación pa paliar el cáncer de mama ya, particularmente, na prevención, yá que, sigún recuerda la conceyala, esta enfermedá yá grave pero puede curase si se detecta a tiempu.