II XORNADAS DE MÚSICA NA BASÍLICA
Estas xornadas acercanon información ya producción musical vinculada al ámbitu relixosu a públicu de toda clas.
Abríu las xornadas una publicación que rescata ya publicita'l patrimoniu artísticu relixosu de la zona, ricu ya valiosísimu.
Al outur día, la programación centróuse yá na protagonista verdadera d'esti proxectu, la música, cono debut de la Coral Polifónica de Cangas del Narcea, a la que prosiguienon nos días subsiguientes outras dúas corales asturianas: el Coro Joven de Xixón ya Coral EnsembleVoblana.
El vienres, fui'l turnu d'una actuación especial, la de gospel, a cargu del grupu Black Light Gospel Choir ya, yá pa cerrar la sumana, el sábadu, la comunidá vecina deleitóunos cono sou Coro de la Capilla Clásica de León.
Tal ya cumo reconoz el conceyal del Conceyu Cangas, José María Álvarez, la repercusión tan positiva d'esta edición segunda, reafirma ya asienta la súa presencia no programa añal del Conceyu, dada l'acoyida tan bona de públicu nesti tipu de programación tan específica, tan rica ya tan ¿¿onxe de los circuitos oficiales a la par ya dan cuenta del compromisu del equipu actual de gobiernu pa cona cultura nas súas manifestaciones más amplias.