Esti programa yía de baldre ya pueden participar nél tanto alumnas antiguas cumo nuevas, la ufierta, amás de la participación en cuatro talleres diferientes, inclúi una excursión a mitá de cursu ya una xanta-alcuentru a modu de piel.le del programa n'acabando. Outramiente, las alumnas tienen la posibilidá de participar en tódalas actividades que s'organicen dende l'Axencia d'Igualdá.

Los talleres programaos esti cursu son:

• Taller d'avieyamientu saludable ya calidá de vida na muyer, que s'imparte en nueve sesiones, tódolos martes, de 16:00 a 18:00, d'outubre al mes muertu de 2016, no CP Alejandro Casona. Empicipióu'l 11 d'outubre de 2016.
• Taller de radio: muyeres con tiempu propiu na onda. Esti taller tien inda pendiente  concretar fechas, pero será no trimestre segundu del cursu. Hai 10 plazas namás ya impartiráse en Radio Narcea, cona ayuda de los sous colaboradores. Vei ser de 5 sesiones de hora ya media.
• Talleres d'Internet: nivel inicial ya avanzáu, que van impartise los l.lunes ya los miércoles, de 16:00 a 18:00, no CDTL, na Casa la Cultura "Palaciu d'Oumaña", durante los meses de xineiru ya febreiru de 2017. Vei ser de 7 sesiones. Empicipia'l l.lunes 16 de xineiru ya acaba'l miércoles 18 de febreiru.
• Movimientu saludable. Esti taller vei impartise los vienres, de 11:00 a 12:30, nel aula de la piscina, los meses de febreiru, marzu, abril ya mayu de 2017 nun total de 12 sesiones.

Pa la conceyala d'Igualdá, Carmen López Martínez: "Dotar a las muyeres d'espacios propios que fomenten los sous progresos formativos ya intrapersonales ya promuevan la camaradería ya la solidaridá ente las participantes yía la nuesa prioridá".