La ufierta d'actividades formativas ya d'esparcimientu saludable pa muyeres del mediu rural ábrese outru añu más de la mano de la Conceyalía d'Igualdá del Conceyu de Cangas del Narcea. Siempre cono obxectivu d'oufrecer durante la conmemoración del Día Internacional de la Muyer Rural 2018 la oportunidá d'afianzar el conocimientu personal ya reforzar la valía propia.

Las muyeres que deseen participar na ufierta cultural d'estiañu, que compriende un repasu por cuestiones cumo: violencia de xéneru, exercicios ya actividades lúdicas pa reforzar la salú femenina, reflexones sobre la igualdá d'oportunidades, escritura creativa con perspectiva de xéneru, análisis del papel de la muyer cumo tresmisora de la cultura tradicional no flandón,  repasu polos proxectos empresariales posibles pa la inserción de las muyeres na zona rural, salú femenina ou interculturalidá, poderán apuntase hasta'l 28 de setiembre na Axencia d'Igualdá d'Oportunidades.

Las actividades fairánse ente'l 1 d'outubre ya'l 16 de los santos nas sedes de Cibuyu, Veiga de Rengos, Carbachu, Cibea, Robléu de Teinás, Santiáu, Bisuyu, Tresmonte, Vil.laxer, Auguera ya Courias ya acabarán cona xornada de piel.le tradicional, que se celebrará'l día 14 de los santos.

La conceyala d'Igualdá, Carmen López Martínez, afirma sintise feliz por poder aveirar un añu más a zonas tan diferientes del conceyu oportunidades formativas tan ambiciosas ya interesantes ya anima a las muyeres a siguir fadiendo texíu asociativu ya velando polos sous intereses de desenvolvimientu na zona rural.