Na xornada daránse a conocer los fundamentos ya obxectivos del Programa-guía pal Desenvolvimientu de Competencias Emocionales, Educativas ya Parentales, asina cumo la súa traxectoria d'implementación no conceyu.
    Nesti actu de presentación del programa,  participarán: José Víctor Rodríguez (alcalde del Conceyu de Cangas del Narcea), Carmen López (conceyala de Servicios Sociales), Carlos Becedóniz (Observatoriu de la Infancia ya l'Adolescencia del Principáu d'Asturias), Raquel-Amaya Martínez (Ciencias de la Educación de la Universidá d'Uvieo), las personas que dende'l Aria de Servicios Sociales coordinan el programa-guía ya las familias participantes n'outras ediciones.
    La parentalidá positiva pretende contribuir al desenvolvimientu saludable de las nenas ya los nenos mediante la implicación activa de la súa familia n'actividades ya dinámicas que favorezan l'apegu, el refuerzu positivu, la interacción al traviés del xuegu, la comunicación non conflictiva ya la educación en valores.

Imágenes