La Oficina Moza ya'l Centru de Voluntariáu de Cruz Roja de Cangas conmemoran el Día Mundial frente al VIH ya'l SIDA.

Pa visibilizar ya divulgar información sobre la enfermedá ya concienciar en materia de prevención, los organismos implicaos na campaña van faer una serie d'actividades divulgativas: repartu de materiales de prevención ya folletos informativos, tanto nel IES cumo na Casa la Cultura ¿Palaciu d'Oumaña", nel primeiru, durante una xornada de concienciación el día 2 del mes muertu ya, na Casa la Cultura ¿Palaciu d'Oumaña", ente'l 2 ya'l 13 del mes muertu; la exposición  de carteles cedíos pol Comité Antisida d'Asturias; la colocación d'un l.lazu encarnáu na Casa Conceyu ya la proxección de curtios acompañando a la exposición de la Casa la Cultura.

Los organismos implicaos na campaña coinciden na necesidá de siguir ufiertando información sobre la enfermedá ya concienciando sobre el mantenimientu de relaciones sexuales seguras.