L’Axencia d’Igualdá yá un serviciu qu’ufierta asesoramientu técnicu a la hora de faer políticas d’igualdá d’oportunidades ente muyeres ya homes, especialmente nos casos que faciliten l’accesu de las muyeres al empléu ya a la formación, al tiempu qu’ayuda a cambiar actitudes sexistas en tódolos ámbitos de la sociedá.

PERSONAS DESTINATARIAS:

• Muyeres en situación de desempléu ya muyeres que buscan formación reglada ou ocupacional.
• Servicios de la Casa Conceyu ya entidades.
• Centros d’educación.
• Muyeres mayores de 50 años que participan no programa Tiempu propiu.
• Ciudadanía en xeneral.

ACCIONES FEITAS DENDE L’AXENCIA D’IGUALDÁ:

• Formación ya orientación dirixida a las muyeres de forma individual ou grupal en materia d’empléu, autoempléu, formación, recursos a los que puede accedese ya sensibilización en materia de xéneru.
• Diseñu ya organización a nivel del conceyu’i programas, talleres, xornadas ya campañas de sensibilización que fomenten actitudes non sexistas.
• Promoción del asociacionismu ente muyeres del conceyu, favoreciendo asina la súa participación social.
• Coordinación del programa Tiempu propiu.
• Impartición de talleres pa enseñar a cambiar actitudes ya comportamientos sexistas en centros escolares (alumnáu ya profesoráu), asociaciones de padres ya madres, asociaciones de muyeres, participantes en planes de formación ya empléu, …
• Control nel usu del l.linguaxe non sexista na alministración de los conceyos.
• Asesoramientu relativu a políticas del conceyu que faciliten la inclusión de la perspectiva de xéneru no desenvolvimientu d’acciones dirixidas a toda la población.
• Diseñu, siguimientu ya evaluación de los planes d’igualdá del Conceyu.

ASITIAMIENTU:

• Axencia d’Igualdá - Conceyu de Cangas del Narcea
• El Mercáu, 1
• 33800-Cangas del Narcea

CONTACTU:

• Axente d’Igualdá: Belén Fernández Rodríguez
• Teléfonu: 985 813 812
• Corréu electrónicu: belen@ayto-cnarcea.es