Cangas del Narcea, 11 del mes muertu de 2020. La Oficina Moza de Cangas del Narcea ya'l Centru de Voluntariáu del Aria II organizan por vez IX consecutiva las Xornadas de Participación ya Asociacionismu, que nesta edición fainse de manera telemática ya cono obxectivu de fomentar el desenvolvimientu sostenible de la zona . "Adaptámonos a la situación actual de pandemia, intentando chegar al mayor númaru de personas al traviés de conferencias ya alcuentros online", explicóu Rosa Caballero, técnica de la Oficina Moza de Cangas del Narcea.

Las xornadas empicipian el l.lunes 14 de diciembre, a las 18 horas, cona charla "Los objetivos del desarrollo sostenible y migraciones", impartida por Vicky Vega, técnica de cooperación de Cruz Roja, ya Marta Segovia, asesora xurídica de Cruz Roja. El martes 15 de del mes muertu, vei fadese la conferencia "Enclave digital: herramientas gratuitas para mi asociación'", que imparte, a las 18 horas Elena Martínez, técnica del CDTL de Cangas del Narcea. Esi mismu día se inaugúrase la exposición "Imágenes sin derechos", de Cruz Roja Española de Asturias, que vei poder vese todu'l mes muertu na Sala d'Exposiciones de la Casa la Cultura.

El miércoles 16 del mes muertu'l Grupu de Participación Infantil ya Adolescente de Cangas del Narcea vei presentar el logotipu que los identifica, que fui plasmáu en forma de chapas. Amás, vei dase a conecer la campaña 'Juntxs por el cambio', mediante marcapáxinas ya carteles. El xueves 17 del mes muertu la directora xeneral de Mocedá, Diversidá Sexual ya Dereitos LGTBI del Principáu d'Asturias, Clara Sierra, vei mantener un alcuentru cono alumnáu del IES de Cangas del Narcea a las 11.50 horas, nél,  pretende  dase a conecer la participación en política de las rapacinas ya rapacinos, al traviés de la propia experiencia de la directora xeneral ya alumna antigua del centru cangués. Amás, plantearánse al alumnáu  cuestiones diferientes sobre los ODS (obxectivos de desenvolvimientu sostenible). A las 18 horas, amás, podrá disfrutade en streaming de la obra teatral: ¿Y ahora qué?, de la compañía Teatro Social Nómada.

El vienres 18, a las 18 horas, clausuraránse las xornadas cono sortéu d'un altavoz del concursu de 'TikTok #ODSNARCEA, nel que los guilopos ya guilopas participan grabando un vidiu relacionáu con dalgunu de los obxectivos del desenvolvimientu sostenible. Pa formar parte del sortéu han subir el vidiu cono hashtag #ODSNARCEA a Tik Tok ya etiquetar a @ojnarcea antias del 17 del mes muertu.

Tódalas actividades de la xornada que se fain a las 18 horas van ser retresmitidas por TV Narcea, pa poder interactuar nas ponencias que van fadese'l l.lunes ya'l martes, vei fader falta inscribise antias  al traviés del formulariu colgáu nas redes sociales de la Oficina Moza de Cangas del Narcea ou del Serviciu de Voluntariáu del Aria II. Las actividades son gratuitas ya tán abiertas a tódalas personas interesadas, tanto del conceyu cumo d'outros puntos d'Asturias.