Las colonias urbanas Esparcer, qu’organizan la Oficina d’Información a la Mocedá del Conceyu de Cangas del Narcea ya’l Grupu de Desenvolvimientu Rural Altu Narcea -Muniel.los, empicipianon en Cangas el 2 de santamarina con una trentena de participantes.

Esta novena edición de las actividades de tiempu l.libre pa nenos ya nenas de 6 a 12 años ta financiada pol GDR Altu Narcea - Muniel.los al traviés del programa Wolf “En tierra de l.lobos” ya cunta con talleres ya actividades centraos na sensibilización mediuambiental ya na conocencia del l.lobu.

Las colonias urbanas Esparcer van acoyer en total a 60 nenos ya nenas, que de 11:00 a 14:00 van faer talleres diferentes nas aulas del CP Maestro Casanova, amás d’actividades al aire l.libre, durante las dúas primeras sumanas de santamarina ya agostu.

Imágenes